UGT insta o Goberno a que poña coto ás subidas desproporcionadas e inxustificadas do prezo da luz, que se repiten cada ano e que cada ano son noticia porque baten o seu propio récord. A nova subida da luz supón outra agresión á xa fráxil economía doméstica, especialmente aos fogares máis vulnerables.
O sindicato insiste nas súas propostas, entre
elas, a necesidade de reducir a fiscalidade da electricidade, igual que
doutras subministracións básicas, e aplicar un IVE súper
reducido, por ser considerado un servizo esencial para a cidadanía.
O Secretario Xeral de UGT, Pepe Álvarez, manifestou que “o que está a
ocorrer neste país é un escándalo. É unha verdadeira vergoña que o prezo
da luz aumente case un 25%. Non hai razón para que isto sexa así. Bo
hai unha: que as empresas eléctricas pásanse polo forro as indicacións,
as obrigacións que teñen coa sociedade”.
Por iso, instou ao Goberno para “regular o sector eléctrico e o tema da
enerxía de maneira drástica, porque, a diferenza do que ocorre en
Francia ou Italia, España non ten unha empresa pública de referencia no
sector enerxético. Eses erros hai que emendalos tentando que o sector
público participe nalgunha eléctrica, e cunha regulación estrita que nos
permita superar esta situación”.
