UGT volve insistir en que, o mellor, en lugar de pretender esconder a
realidade é adoptar as medidas que o sindicato vén defendendo:
- Garantir o poder adquisitivo das pensións con subidas iguais ao IPC, refugando o mísero 0,25% que os pensionistas consideran inxusto e inaceptable.
- Asegurar a situación financeira da Seguridade Social evitando que esta pague o que non debe e permitindo que cobre o que debe.
- Asegurar o sostemento futuro das pensións con emprego, pero de calidade, non con emprego lixo, derrogando a reforma laboral de 2012, e con ingresos que procedan de impostos como expresión de solidariedade coas xeracións de pensionistas que veñen, da mesma forma que elas o foron coas anteriores.
