O secretario de Política Sindical de UGT, Gonzalo
Piñeiro, considera que o Goberno parece non entender en que consiste
o diálogo social. Así o manifestou ao finalizar a primeira reunión
de diálogo social sobre Emprego e Calidade no Emprego que tivo lugar
esta mañá, e na que participaron responsables do Ministerio de
Emprego e Asuntos Sociais, as organizacións patronais CEOE e CEPYME,
e as organizacións sindicais UGT e CCOO.
Segundo Piñeiro “hai unha diferenza en para que
ten que servir esta mesa e que obxectivos debe ter a negociación. A
Administración trasládanos unha serie de obxectivos que non son
prioritarios nestes momentos, porque o prioritario é a situación
que viven os traballadores na rúa, e a obrigación do Goberno e dos
axentes sociais é empezar a resolver os problemas.
O dirixente de UGT considera que a sociedade vive
momentos moi complexos, “onde os parados de longa duración non
volven ao mercado de traballo, onde os maiores de 55 anos atópanse
tamén nunha situación de non ter posibilidade de volver ao mundo do
traballo” e onde os mozos e pensionistas viven situacións límite.
É pola importancia destes problemas, asegurou
Gonzalo Piñeiro, que nos imos a sentar á mesa, nesa medida imos
continuar na próxima convocatoria”, pero non se poden negar as
evidencias. “Si imos nesa liña avanzaremos, senón non tardaremos
moito en comprobar que o Goberno non entendeu o diálogo social”.