UGT, xunto con outras 26 organizacións e sindicatos, subscribiron un
documento no que esixen a urxente aprobación da Lei de Igualdade LGTBI,
actualmente en proceso de tramitación parlamentaria.
“Como organizacións da sociedade civil, estamos comprometidas a
traballar para a erradicación de todas as barreiras que supoñen unha
discriminación e unha vulneración dos dereitos humanos. Confiando en que
o compromiso é compartido, instamos a que os deputados e deputadas do
Congreso fagan todo o que estea na súa man para que a Lei de Igualdade LGTBI poida entrar en vigor canto antes”, aseguraron as organizacións e sindicatos que subscriben o documento.
