PACTO DE ESTADO POLA IGUALDADE

 

 

 

UGT avoga por un Pacto de Estado para que a igualdade non estea ao albur de ningún Goberno

​"É necesario un Pacto de Estado que garanta que a igualdade non estea ao albur de ningún Goberno" manifestou hoxe a Vicesecretaria Xeral de UGT, Cristina Antoñanzas, durante a súa intervención na xornada "10º Aniversario da Lei de Igualdade", organizada polo Grupo Parlamentario Socialista. Neste sentido, esixiu un compromiso firme do Goberno para desenvolver a Lei de Igualdade e os recursos económicos, técnicos e humanos necesarios".  

Antoñanzas demandou a apertura da mesa de diálogo social para avaliar a lei (algo que establece a propia norma e nunca se fixo) e o desenvolvemento regulamentario dos plans de igualdade nas empresas. Manifestou que é urxente, ademais, "incrementar a vixilancia e control nas empresas, reforzando a Inspección de Traballo; e derrogar a reforma laboral, para que a negociación colectiva volva ser un instrumento  esencial na implementación da igualdade de trato e oportunidades entre mulleres e homes".

A Vicesecretaria xeral de UGT diferenciou dúas etapas, os primeiros anos da lei, onde se avanzou en termos de igualdade, e a freada sufrida desde fai máis de 6 anos, polas políticas de recorte  aplicadas polo Goberno do Partido Popular, baixo a escusa da crise, e a falta de compromiso de moitas empresas.  "Hase desregulado o mercado laboral e desmantelado o Estado de Benestar. Os recortes en sanidade, educación, dependencia, etc. , todos eles sectores de xacementos de emprego de mulleres, deixaron sen efectividade unha Lei, que puidese significar un antes e un despois na consecución da igualdade entre mulleres e homes, no ámbito laboral e social"