Con motivo do 8 de
marzo, Día internacional da muller traballadora
UGT Compostela-Barbanza
presenta o Informe sobre a situación socio-laboral da muller no Barbanza
- Con motivo da conmemoración, o día 8 de marzo, do Día internacional da muller traballadora, a secretaria de Políticas Sociais e Igualdade Manuela Allo presentará o análise sobre a “Situación da muller nesta Bisbarra”.
Os actos a desenvolver son os seguintes:
12:00 horas. Paro das mulleres traballadoras, fronte a sede por mor do “nulo compromiso do goberno na erradicación da violencia de xénero e das políticas de igualdade, efectiva, no marco socio-laboral”.
Mesa Redonda sobre a situación da muller no Barbanza, contando coa a
presenza da Sª de Políticas Socias e Igualdade e o Sº de Emprego, Formación e
Saúde Laboral desta Unión.
- Entregarase un informe sobre a situación da muller no eido do Barbanza.
Margarita
Vidal Ozores, coñecida como Marga. Afiliada a UGT desde o ano 2001. Filla de
labradores, aos cales a terra curte, é a pequena de tres irmáns que sempre, ou
case sempre, estiveron vinculados ao mundo de conserva.
Nos
albores da mocidade á nosa compañeira empezou a traballar e foi desde a propia
terra, desde a area que deixa a marea, desde o bronceado do traballo duro a pé
de costa, o marisqueo. Estamos nos 80 e a finais desta década entra a traballar
como operaria na empresa Corbura Cabo de Cruz (digámolo así, porque cara a de
todo era unha operaria multiuso). Na mesma estivo até 1989, ano da compra, por
parte de Jealsa, desta empresa. Na citada realizou múltiples tarefas ata que
finalmente a nomean encargada de almacén “sección estuchado de latas”.
Non ano
2004 a firma conserveira, deixa Cabo de
Cruz trasladando o persoal a Boidón, fai unha reorganización da produción e a
nosa compañeira pasa a Escurís, na Pobra. Desde esta data exerce as funcións de
encargada de almacén, na sección de acondicionados, como se chama hoxe en día
(cousa da globalizade).
Marga
comeza o seu labor sindical en Jealsa sendo durante 4 anos delegada do
sindicato ao que sempre estivo afiliada. A UGT.
Nos seguintes procesos electorais,deixou paso a novas compañeiras, para
que o propio sindicato fose máis dinámico, pero sen deixar de achegar a súa experiencia e bo facer no
ámbito representativo.
A nosa
compañeira nunca esquecerá que pertence a un sector reivindicativo, no cal a
muller é pedra angular. Pedra forte, recia,
achegada a terra e o mar, esa muller galega pasado, pobo, presente,
alma e futuro de Galicia.
Por iso,
non é fortuíto, sempre figura nas listas do sindicato ao que tanto achegou.
UGT.
[…] “Galicia é unha muller.
Galicia, néboa imprecisa,
río ó que nun se lle ve o fondo,
dor que nos manca,
casa de canteira tan velliña,
ten nome femenino,
un nome moi fermoso de muller.
Galicia, nosa nai,
nosa dona,
nosa irmá,
nosa amiga.
Galicia noso desacougo
e nosa vida.
Tódalas nosas mulleres son Galicia:
voz que nos chama e nos arrola,
luz que nos aluma,
amor que nos acende;
tenrura que aceiamos
e nos compre.
¡Esperanza ergueita
cara un futuro limpo,
noso,
que agardamos! […]
******************************
MANUEL MARÍA.
ESTRACTO DO “Poema á muller galega”
