MANIFESTACIÓN EN COMPOSTELA.
27 DE FEBREIRO AS 20:00 P.M.
NA ALAMEDA.
A Alianza Social Galega convoca mobilizacións "Por outra saída da crise" para o vindeiro día 27 de febreiro
A Alianza Social Galega convoca
mobilizacións para o vindeiro 27 de febreiro en varias localidades
galegas baixo o lema ?Por outra saída da crise?, buscando unha resposta
colectiva ás nefastas políticas antisociais que impoñen os gobernos de
Galicia e do Estado español. Así o anunciaron os secretarios xerais de
UGT-Galicia, José Antonio Gómez; da CIG, Xesús Seixo; e do S.N. de CCOO,
Xosé Manuel Sánchez Aguión, que compareceron esta mañá en rolda de
prensa acompañados de representantes doutras organizacións que forman
parte da Alianza Social Galega.Haberá manifestacións nas sete principais cidades e previsiblemente nalgunhas vilas, contra as 20:00 horas
A Alianza Social Galega subliña que
nunha conxuntura con 271.500 persoas en situación de desemprego e case
co 45% que carecen de coberturas, o Goberno da Xunta presenta un
Orzamento que non contén medida ningunha para reactivar a actividade
económica e o emprego.
Denuncia que os gobernos de Rajoy e
Feijoo impoñen cada día novos e constantes recortes, entre os que
salienta unha reforma laboral estéril e moi prexudicial para os
traballadores, cun novo paquete de medidas que flexibiliza e desregula o
contrato a tempo parcial; recortes nas pensións; retrocesos no ensino
público; agresións á sanidade pública; paralización e marcha atrás na
aplicación da Lei de Dependencia; privatización dos servizos públicos
municipais; un ataque aos dereitos sexuais e reprodutivos das mulleres; a
implantación dun estado policial coa reforma da Lei de seguridade
cidadá e do Código penal; a reforma da Lei hipotecaria, insuficiente e
que non contén solucións estruturais; un conxunto de políticas que van
cara a desertización do rural e destrución do medio; e o progresivo
desmantelamento da política pública de cooperación ao desenvolvemento.
Ante esta crítica situación, a
Alianza Social Galega fai un chamamento ao conxunto da sociedade para
que saia á rúa masivamente a manifestar a súa oposición a estas
políticas e a reclamar outras máis xustas e solidarias que beneficien ao
conxunto das galegas e galegos e non só a aqueles que provocaron a
crise.
As mobilizacións terán lugar nas sete
cidades, o día 27 de febreiro contra as 20:00 horas. Segundo se
adiantou na rolda de prensa, a Alianza Social Galega intentará que se
convoquen tamén mobilizacións en vilas pequenas que aínda están por
confirmar.
