Os avances en pensións, no marco do Pacto de Toledo, son froito das
mobilizacións
UGT considera que o consenso alcanzado onte sobre pensións, no marco
do Pacto de Toledo, son froito das mobilizacións, pero considera que os
avances nesta materia deben ir máis aló.
O sindicato esixe a derrogación total da reforma de pensións de 2013,
imposta polo anterior Goberno do PP, e a eliminación dos recortes que
sufriron as pensionistas, entre eles, o copago farmacéutico.
- Considera que garantir o poder adquisitivo de todos os pensionistas conforme ao IPC debe ser un dereito esencial e universal e como tal debe recoñecerse no Pacto de Toledo e blindarse na Constitución.
- Reclama que as pensións se financien non só con cotizacións senón con impostos, e adoptar medidas para afrontar, desde xa, o actual déficit da Seguridade Social.
- Pide aos partidos políticos presentes no Pacto de Toledo e ao novo Goberno que sexan sensible ás demandas sociais.
UGT defenderá que a subida das pensións conforme ao IPC para este ano
teña carácter retroactivo, desde xaneiro de 2018. O sindicato considera
que a revalorización automática das pensións conforme á evolución dos
prezos non debe estar ao albur do Goberno de quenda e que
garantir o poder adquisitivo de todos os pensionistas, conforme ao IPC,
debe ser un dereito esencial e universal e como tal debe recoñecerse no
Pacto de Toledo e blindarse na Constitución.
