UGT únese á campaña da CSI contra a violencia de xénero no mundo do traballo
A Unión Xeral de Traballadores mostra o seu apoio á campaña de acción
mundial da Confederación Sindical Internacional (CSI) "Alto á violencia
de xénero no traballo", que se desenvolve desde o 14 de febreiro ata o 8
de marzo co fin de convencer aos Gobernos que apoien un convenio e unha
recomendación da Organización Internacional do Traballo (OIT)
sobre "violencia e acoso contra as mulleres e os homes no mundo do
traballo".
Só quedan uns meses para que teña lugar o primeiro debate sobre esta
norma internacional do traballo na Conferencia Internacional do Traballo
de xuño de 2018, polo que a loita contra esta secuela faise
imprescindible.
Para a CSI, a pesar de que tanto homes como mulleres poden experimentar
violencia e acoso no mundo do traballo, o status e as relacións de poder
desiguais na sociedade e no traballo fan que a muller resulte máis
exposta á violencia e ao acoso.
A violencia de xénero segue sendo unhas das violacións máis toleradas
dos dereitos humanos no mundo do traballo. Segundo as estatísticas, o
35% das mulleres (818 millóns en todo o mundo) maiores de 15 anos foron
vítimas de actos de violencia física ou sexual no fogar, a comunidade ou
o lugar de traballo.
