A Unión Xeral de Traballadores denuncia a falta de compromiso das empresas para adoptar medidas que protexan a seguridade e saúde dos traballadores, que se pon de manifesto na redución de convenios colectivos que inclúen cláusulas relacionadas coa prevención de riscos laborais.
[...] Desde o sindicato, estamos a promover a creación da figura do Delegado/a
Territorial ou Sectorial. Esta figura é esencial para as pequenas e moi
pequenas empresas na que non existe representación dos traballadores/ as.
A creación desta figura, a través da negociación colectiva facilitaría o
labor de vixilancia sobre o cumprimento da normativa en prevención de
riscos laborais nestas empresas, garantindo así uns maiores niveis de
protección e contribuíndo sen dúbida, a reducir as altas cifras de
sinistralidade laboral que estamos a sufrir.
Por outra banda, UGT considera imprescindible defender o dereito á saúde
e a seguridade das persoas traballadoras, introducindo nos convenios
colectivos medidas como:
- Establecemento de protocolos de adaptación ou cambio de posto de traballo por motivos de saúde e/ou discapacidade, evitando consecuencias negativas para os traballadores con discapacidades sobrevindas.
- Incluír nos convenios cláusulas que expoñan a obrigación de realizar avaliacións de riscos, sen esquecer os psicosociais e ergonómicos.
- Inclusión de plans de sensibilización, información e formación, establecendo duración, contidos, modalidades de impartición, para cumprir coa Lei de Prevención de Riscos Laborais.
- Dereito á desconexión: a dispoñibilidade permanente que favorece a tecnoloxía da comunicación leva riscos psicosociais e incrementa os niveis de tensións, xerando novas enfermidades.
