  |
| CAMPAÑA |
Sube o desemprego feminino e en menores de 25 anos
O bo dato do paro rexistrado do mes de agosto en Galicia non pode ocultar os altos índices de rotación laboral e de precariedade
UGT-Galicia considera que o bo dato do paro rexistrado do mes de agosto en Galicia non pode ocultar os altos índices de rotación laboral e precariedade, eivas que están lastrando ao mercado laboral da nosa Comunidade. Ademáis, a estacionalidade e a precariadeade na contratación non serven para reducir a brecha laboral e de idade, xa que o paro segue a cebarse no colectivo de mulleres e mozos. Por se non fora pouco, as taxas de cobertura por desemprego seguen moi baixas e as prestacións perden o seu carácter contributivo
En agosto de 2017 estiveron 181.125 persoas desempregadas, segundo os datos publicados hoxe polo SEPE. Esta cifra supón un descenso mensual de -746 persoas con respecto a xullo (o -0,41%) e o dato interanual amosa un descenso do 6,17%, é dicir, 11.920 parados rexistrados menos que no mes de agosto de 2016.
No Estado se incrementa o paro rexistrado en 46.400 persoas con respecto ao mes anterior, o que supón un aumento do 1,39%, e con respecto ao mesmo mes do ano anterior o descenso acada 315.172 desempregados menos o -8,52%.
No mes de agosto o paro rexistrado no Servizo público de emprego reduciuse en termos mensuais en 746 persoas, O paro rexistrado é desigual segundo o sexo, descende en 899 no paro masculino e aumenta en 153 no desemprego feminino.
