UGT e CCOO envían a CEOE e CEPYME as súas propostas de negociación
Ambos os sindicatos
enviaron ás organizacións empresariais unha carta instando a
convocar de maneira inmediata a Comisión de seguimento do III Acordo
para o Emprego e a Negociación Colectiva (AENC) e un documento con
propostas para negociar tanto os contidos pendentes deste AENC como
novos aspectos, xa consensuados, e desenvolver conxuntamente un
auténtico diálogo social.
UGT e CCOO comparten a
necesidade de reforzar o diálogo social e a participación
institucional das organizacións empresariais e sindicais, superando
o déficit da lexislatura anterior, e consideran que as organizacións
responsables da negociación colectiva teñen a obrigación de
preservala, defendendo a autonomía das partes fronte a inxerencias
externas e protexendo a forza vinculante do pactado libremente.
Nun documento conxunto remitido coa carta, as
organizacións sindicais propoñen as materias a abordar nun novo
Acordo interprofesional de ámbito confederal
