12º CONGRESO DE UGT-GALICIA. RESUMO.

 Imáxes Preme aquí para ver...

 

RESULTADOS 

O secretario xeral de UGT-Galicia apunta ao emprego de calidade, recuperación do estado de benestar e a defensa dos servizos públicos e protección social como os eixos sobre os que debe pivotar a recuperación

Unha vez proclamados os resultados da elección da nova Comisión Executiva de UGT-Galicia, que desenvolverá a xestión do Sindicato de cara aos vindeiros anos, tivo lugar no Pazo de Congresos de Santiago o acto de clausura do 12º Congreso de UGT-Galicia.

A Comisión Executiva de UGT-Galicia foi elixida polo 77 por cento dos votos

Santiago, 7 de maio de 2016.- Os delegados asistentes ao 12º Congreso de UGT-Galicia, que se celebrou onte e hoxe en Santiago, veñen de elixir, cun 77 por cento dos votos á nova Comisión Executiva de UGT-Galicia, encabezada polo secretario xeral, José Antonio Gómez. Unha Executiva integrada por 7 membros, catro homes e tres mulleres.

   

O 12º Congreso de UGT-Galicia respalda co 80 por cento dos votos a xestión da Comisión Executiva

O 12º Congreso de UGT-Galicia aprobou a xestión da Comisión Executiva cun respaldo do 80 por cento dos votos. Esta votación tivo lugar despois dun debate no que interviñeron os organismos que conforman o Sindicato, federacións e unións comarcais, así como, a propia Comisión Executiva, para avaliar o que foron estes últimos anos de mandato e, polo tanto, de xestión.