ANÁLISE DO PARO MES DE FEBREIRO

127.000 desempregados galegos non teñen ningún tipo de cobertura

Os datos de paro rexistrado do mes de febreiro seguen demostrando que a realidade non ten nada que ver cos discursos triunfalistas que proclaman os gobernos central e da Xunta. UGT insiste en que é preciso potenciar a capacidade adquisitiva dos salarios e das prestacións e evitar a continua degradación de asalariados e parados e para reactivar urxentemente a economía e o emprego.

Preocupante cifra de afiliación á Seguridade Social, só  902.990 cotizantes no mes de febreiro, 6.300 menos que hai un ano

O descenso do dato de paro rexistrado nalgúns colectivos é consecuencia da saída cara fora de Galicia de poboación traballadora, especialmente mozos menores de 25 anos

 

No mes de febreiro de 2014 houbo 280.071 desempregados en Galicia,1.006 menos que no mes anterior, unha caída do 0.4% con respecto ao mes precedente. No Estado hai 4.812.486 persoas desempregadas, manténdose a cifra practicamente, tan só cae o 0.04%. Na maioría das comunidades autónomas diminúe o paro no mes.

En termos interanuais, cae o desemprego en Galicia en -12.752 persoas, o 4.4%, unha caída similar a ocorrida no Estado, con -227.736 persoas,  co 4.52%.

Febreiro	Variación mensual	Variación interanual
2004	-1,6	3,2
2005	-1,6	-2,0
2006	-1,7	-4,4
2007	-1,6	-9,8
2008	0,4	0,6
2009	2,6	27,6
2010	1,1	13,4
2011	1,0	6,0
2012	1,2	10,6
2013	0,7	6,6
2014	-0,4	-4,4

Dende 2007 non se producía unha caída no mes nin interanual en febreiro, pero é que estamos en valores insostibles e, ademais como recentemente publicou a EPA, hai unha contracción na poboación en idade de traballar pola saída de poboación cara fóra.De feito o desemprego dos estranxeiros diminúe nun ano o 10.3%, hai unha saída de persoas que formaban parte do noso mercado laboral, ante a clara falta de expectativas.

Por sexos, no mes, tanto en homes como mulleres diminúe o paro, caendo o 0.3% nos homes e nas mulleres o -0.5%. En termos interanuais, polo contrario, cae máis nos homes, -5.3%, que nas mulleres, o -3.4%.  No que respecta ao ano, o mercado laboral masculino é o máis beneficiado, de feito a muller representa o 51% no total de paro.

A caida do paro en menores de 25 anos está provocada pola saída fora de Galicia

Por idades o paro para os menores de 25 anos sitúase en 17.553 persoas, o que supón unha “caída” de só 6 persoas no mes, o -0.03%. En termos interanuais, hai unha caída moi elevada, o 15.93%, o “por que” desta caída podemos atopala na saída de efectivos da nosa comunidade. Hai -3.325 parados menos deste tramo de idade nun ano.

No mes, por sectores, medra no mes na Construción e no colectivo Sen emprego anterior, 0.17% e 0.54%, respectivamente. Caendo no Primario, -0.9%, na Industria, -0.6% e nos Servizos, -0.51%

Interanualmente, para comparar datos homoxéneos, cae na Construción nada menos que o 12.7%,   no colectivo Sen emprego anterior, -5.83% (unha vez máis compróbase a saída de efectivos do mercado laboral galego),  na Industria, o -5.6% e nos Servizos o -1.93%, tan só medra no Primario, o 2.06%.

O número de contratos rexistrados en Galicia durante febreiro foi de 45.525, unha considerable contracción con respecto ao mes precedente, xaneiro, do 19.1%. Caen tanto os temporais, o 19.91%, coma os indefinidos, o 10.2%.

Interanualmente medra a contratación o 11.6%, pero os indefinidos teñen un moi leve repunte, o 0.25% mentres que o principal aumento dáse nos temporais. 12.94%

Preocupante é a cifra do número de beneficiarios con prestacións en Galicia, son 154.129 en xaneiro (entre prestacións contributivas, subsidio e renda activa de inserción). A taxa de cobertura é do 59.4%, sendo destacable que no estado é máis elevada, o 61.4%.

Hai 127.000 persoas paradas en Galicia sen ningún tipo de cobertura, desempregados e desempregadas galegas que non perciben ningunha axuda estando en fortísimo risco de exclusión social.

A media de afiliados á Seguridade Social é realmente preocupante, tan só 902.990 cotizantes no mes de febreiro en Galicia, o que supón unha caída de 6.300 afiliados con respecto a un ano. Aínda que no mes teña un leve aumento de 1.613 (0.2% máis) non compensa nin de lonxe as caídas que levamos acumuladas.

GALICIA	2014/Febreiro	VARIACIÓN SOBRE
		Mes anterior		Mesmo mes ano anterior
		nº	%	nº	%
DESEMPREGO
Nº desempregados rexistrados	280.071	-1.006	-0,36	-12.752	-4,35
* homes	137.182	-345	-0,25	-7.664	-5,29
* mulleres	142.889	-661	-0,46	-5.088	-3,44
Nº parados mozos < 25 anos	17.553	-6	0,0	-3.325	-15,93
Nº desempregados estranxeiros	13.412	137	1,0	-1.535	-10,3
Nº desempregados por sectores*
* agricultura	9.729	-88	-0,9	196	2,06
* industria	38.781	-233	-0,6	-2.285	-5,56
* construción	41.445	69	0,2	-6.010	-12,66
* servizos	168.447	-870	-0,5	-3.311	-1,93
* sen emprego anterior	21.669	116	0,5	-1.342	-5,83
Beneficiarios prestación por desemprego (xaneiro)	154.129
Taxa de cobertura (xaneiro)	59,39
CONTRATACIÓN
Nº contratos	45.525	-10.720	-19,06	4.723	11,58
Nº contratos indefinidos (inclúe transformación de contratos en indefinidos)	4.408	-500	-10,19	11	0,25
Nº contratos temporais	41.117	-10.220	-19,91	4.712	12,94
AFILIACÍON Á SEGURIDADE SOCIAL
Nº afiliados (datos provisionais)	902.990	1.613	0,18	-6.299	-0,69

Fonte: Gabinete Económico Comisión Executiva UGT Galicia, a partir dos datos do MEYSS