Presentación do estudo “O traballo de axuda a domicilio en España”
A Vicesecretaria Xeral de UXT, Cristina Antoñanzas,
alertou sobre a situación dos traballadores e traballadoras que realizan
tarefas de axuda a domicilio, a través de empresas concesionarias dos
concellos, e advertiu que este sector está a converterse en “un nicho
para as grandes empresas multiservicios que licitan á
baixa e que empeoraron o servizo de atención e as condicións laborais”.
Neste sentido, fixo un chamamento ás Administracións Públicas, porque
“son elas as que contratan”.
Este sector está altamente feminizado, “son
maioritariamente mulleres as que executan as políticas públicas de
coidado e as que se encargan dentro das familias”, e só unha minoría son
traballadoras municipais.
Así mesmo, denunciou que os recortes unilaterais do Goberno do PP á Lei
de Dependencia, “converteron un sistema de dereitos, en proceso de
desenvolvemento, nun sistema asistencialista”.
Neste
sentido, sinalou que “se debilitou a intensidade da acción protectora do
sistema, diminuíndo o número de horas de axuda a domicilio, ou a contía
das prestacións económicas, ou atrasando o momento de percepción de
prestacións económicas recoñecidas”.
