A Unión Xeral de Traballadores considera un éxito a primeira fase de folga xeral de dúas horas por quenda, que tivo lugar entre as 11:30 horas e as 13:30 horas desta mañá, cun seguimento masivo, especialmente nas medianas e grandes empresas, o sector industrial, construción, administracións públicas e os medios de comunicación. O Sindicato fai un chamamento aos traballadores e traballadoras a continuar coa folga nos seguintes tramos horarios da convocatoria (de 16:00 a 18:00 horas, e nas dúas primeiras horas das quendas de noite) e a participar nas concentracións e manifestacións convocadas. O Secretario Xeral de UGT reclamou, durante a súa participación nas concentracións desta mañá, unha lei de igualdade salarial e acabar co acoso ás mulleres. O éxito desta mobilización, impulsada por unha reivindicación tan fundamental como facer realidade a igualdade entre homes e mulleres, interpela claramente ao Goberno, deixa en evidencia a súa falta de conexión co sentir da sociedade, fai insustentable a súa falta de implicación e a súa inactividade nesta materia, e esixe unha resposta en forma de iniciativas políticas para corrixir a situación de maneira efectiva. As peculiaridades desta convocatoria de folga xeral de dúas horas por quenda dificultan a realización dun balance de seguimento conforme aos criterios utilizados en ocasións anteriores. Con todo, os datos dos que dispón o Sindicato indican un seguimento masivo dos paros en medianas e grandes empresas, o sector industrial, a construción, as administracións públicas e os medios de comunicación.
UGT e CCOO congratúlanse do “éxito” da folga e piden unha participación “masiva” na derradeira quenda e nas manifestacións
- Concentración -Unión- na Praza do Obradoiro
Para
CCOO e UGT, o “apoio maioritario” da sociedade galega a esta
convocatoria é a proba de que as reivindicacións do sindicalismo de
clase, compartidas polo movemento feminista, son tamén maioritarias
entre os galegos e as galegas: cómpre denunciar e desterrar a brecha
salarial, a precariedade laboral das mulleres e o acoso e a violencia
de xénero.
O apoio á folga amosa
o total rexeitamento da sociedade galega á situación que padecen as
mulleres do noso país. As reformas laborais impostas, os recortes e
as medidas de austeridade non fixeron máis que incidir nas
desigualdades, denuncian as dirixentes sindicais.
Contra
o “teito de cristal”
As
secretarias da Muller de CCOO e UGT denuncian a “discriminación
laboral e salarial” das traballadoras galegas: a igual formación,
os homes acadan maiores taxas de ocupación en todos os niveis
formativos. Ademais, a brecha salarial é de 22 puntos, polo que as
mulleres galegas terían que traballar 71 días máis ao ano para
percibiren o mesmo salario que os homes nun ano. Tamén critican a
existencia dun “teito de cristal” que provoca que só o 2,3 % da
poboación ocupada feminina estea en postos de dirección ou
xerencia.
Contra
a precariedade que sofre a muller no eido laboral
Tamén
denunciaron a precariedade que sofren as mulleres galegas no eido
laboral, moito máis incisiva que no caso dos homes. Así, a taxa de
temporalidade feminina é de 28,7 puntos, fronte aos 25,3 puntos que
soportan os homes e, ademais, as diferenzas increméntanse nestes
últimos anos. A taxa de desemprego feminina supera en 1,4 puntos á
masculina e a súa diferenza increméntase dende o ano 2012. O 91,9
por cento das persoas que non acceden ao mercado laboral por ter que
coidar menores, persoas adultas enfermas ou dependentes son mulleres.
Do total da ocupación parcial, o 77,25 por cento afecta a mulleres.
O 73,8 por cento das reducións de xornada seguen a ser solicitadas
por mulleres e a brecha das pensións é de 37,7 puntos.
A
“praga” da violencia machista e do acoso
Ademais
da situación laboral, as mulleres son vítimas doutra das grandes
“pragas” da sociedade actual, a violencia machista. No 2017, 49
mulleres e 8 nenos e nenas foron asasinados. O recente Pacto de
Estado contra a violencia demóstrase insuficiente e case non recolle
medidas de carácter laboral, que son fundamentaispara que as mulleres poidan saír dunha situación de
violencia de xénero.
