A Unión Xeral de Traballadores considera inaceptable a exhibición de autocompracencia realizada onte pola Comisión Europea ao cumprirse dez anos do comezo da crise económica que transformou a vida dos cidadáns e cidadás europeos e que afectou gravemente o proxecto comunitario. Centrarse exclusivamente, como fai a Comisión Europea, na progresión dos aspectos macroeconómicos e regulatorios, ignorando a situación de desemprego, precariedade, empobrecimiento colectivo, desregulación laboral, enfraquecemento das prestacións e servizos do modelo social europeo, degradación da calidade democrática e da confianza nas institucións, ou a radicalización social crecente nalgúns países da UE, resulta inadmisible, inxustificado e ofensivo para a cidadanía europea.
É especialmente significativo que a Comisión Europea, promotora e executora dunhas políticas de austeridade que recaeron esencialmente sobre as costas dos cidadáns e cidadás europeos -provocando, entre outras cousas, o incremento das cifras de pobreza e exclusión social, e a desaparición de capas enteiras das clases medias europeas- non incorporasen no seu balance desta última década un recoñecemento ao dano provocado na inmensa maioría da poboación europea que terminou pagando cos seus recursos e o seu nivel de vida as fraudulentas prácticas dos sistemas bancarios, e a incapacidade dos gobernantes nacionais e europeos para controlar os mercados de capitais, ou para prever e previr a crise.
