UGT considera irrenunciable a cláusula de revisión salarial nos convenios
UGT advirte que non chegará a acordos se neles non se contemplan a cláusula de garantía salarial, pois é o factor que asegura a recuperación do poder adquisitivo para os traballadores deste país.
O Informe do sindicato sobre a situación da negociación colectiva ata maio de 2017 revela que cada vez son menos os traballadores e traballadoras que están cubertos polos convenios que se asinan e que as subidas salariais son insuficientes e, por suposto, moi afastadas das cifras de recuperación económica e do crecemento do PIB. Só o 18,8% dos convenios asinados recollen a cláusula de garantía salarial, e deles, só o 56,29% contémplaa con efecto retroactivo.
