"'Desperegrinación" do persoal da sanidade pública en defensa dos dereitos laborais e económicos"
- Os manifestantes percorreron un treito do Camiño de Santiago en sentido inverso
O Luns fíxose unha
'desperegrinación' en defensa dos dereitos laborais e pola
recuperación dos «dereitos roubados». Para este efecto, ducias de
traballadoras e traballadores percorreron en sentido inverso un treito
do Camiño de Santiago. Concretamente, partiron ás 11 h da sede da Xunta
en San Caetano e mobilizáronse ata a entrada da cidade no barrio de San
Lázaro.
Esta manifestación foi un «paso máis»
na campaña iniciada semanas atrás polos sindicatos CCOO, CIG, UGT,
SATSE, CSI-F e SAE, que primeiro reuniron o persoal en asembleas
informativas e, poucos días atrás, convocaron unha concentración diante
do Sergas e entregaron quince mil sinaturas de apoio ás reivindicacións.
Os sindicatos prometen «intensificar» as protestas após o verán, se non houber avances en reivindicacións como a recuperación da carreira profesional e das partidas económicas conxeladas, a non penalización por incapacidade temporal ou a recuperación dos días libres que corresponden, entre outros puntos.
Os sindicatos prometen «intensificar» as protestas após o verán, se non houber avances en reivindicacións como a recuperación da carreira profesional e das partidas económicas conxeladas, a non penalización por incapacidade temporal ou a recuperación dos días libres que corresponden, entre outros puntos.
