PROPOSTAS SINDICAIS CARA A NOVA LEXISLATURA
-
Con motivo das mobilizacións en todo o país
o próximo 15 de decembro co obxectivo de impulsar as propostas sindicais na
negociación co Goberno e a patronal UGT informou hoxe sobre as propostas sindicais
prioritarias en Riveira.
Interviron a Secretaria de Organización e Administración de UGT-Compostela e Barbanza, Marisa Rodríquez Vázquez, Manuela Allo Lago, Sª de Políticas Sociais e Igualdade e o Secretario de Política Sindical. Emprego e Seguridade Social de UGT-Galicia, Luis Baneira Gómez Esta asemblea enmárcase dentro da campaña de información e mobilización que culminará o vindeiro 15 de decembro con manifestacións en todo o Estado.
Despois da toma de posesión do Goberno xa
non hai escusas: os problemas das persoas non poden esperar. Son necesarios
consensos básicos que vaian máis aló dunha lexislatura e que recollan solucións
urxentes e eficaces aos problemas da cidadanía. O Goberno debe negociar un novo
contrato social para restituír os dereitos sociais e laborais, no marco do
diálogo social.Nesta lexislatura ímonos a ter que afacer ao binomio negociación-mobilización, porque non imos conseguir avanzar e recuperar dereitos sen mobilización. Por iso UGT e CCOO acordaron convocar concentracións ante as delegacións do Goberno de todas as capitais de Comunidade Autónoma o día 15 de decembro e desenvolver unha manifestación en Madrid o día 18 dese mesmo mes.Dende a Unión comarcal de UGT-Compostela-Barbanza facemos un chamamento a informarse das propostas que impulsan UGT e CCOO cara á negociación co Goberno e patronal e a participar activamente nas mobilizacións convocadas.
