UGT chama ás organizacións empresariais a ser consecuentes cos compromisos adquiridos e concretas subidas salarias
superiores ao 2% na negociación colectiva.
Os prezos baixaron un 1,3% no mes de xaneiro en relación co mes
anterior, segundo o Índice de Prezos ao Consumo (IPC) publicado hoxe
polo Instituto Nacional de Estatística (INE), mentres que a taxa
interanual situouse no 1,0% cunha diminución de 2 décimas respecto ao
mes de decembro.
A orixe deste crecemento contido da inflación está moi relacionado co
descenso dos prezos do petróleo respecto os rexistrado a comezos de 2018
e tamén cunha baixa tendencia na inflación subxacente (por baixo do
1.0%). Respecto á baixada do mes explícase sobre todo polo efecto das
rebaixas.
Tendo en conta que a economía española mantén un ritmo de crecemento
levemente máis moderado que en anos anteriores, pero aínda alto, unido
ao crecemento contido da inflación, UGT considera que estamos nun
escenario favorable para a revalorización dos salarios nos termos
acordados entre as patronais CEOE e CEPYME e
as organizacións sindicais UGT e CCOO.
Acordo para o Emprego e a
Negociación Colectiva. O 2,08 de subida salarial pactada nos convenios
asinados en 2018 axustouse á franxa mínima das revalorizacións pactadas,
algo que o sindicato considera claramente insuficiente.
En consecuencia, UGT fai un chamamento ás organizacións empresariais a
actuar en consecuencia cos compromisos adquiridos e concretar nas mesas
de negociación dos convenios colectivos abertos subidas salariais
superior ao 2%, así como a revalorización extra dos salarios mínimos de
convenio para situalos no mínimo de 1.000 euros mensuais en 14 pagas.
