A Secretaria de Políticas Sociais, Emprego e Seguridade Social de UGT, Mari Carmen Barreira, afirmou que "non imos chegar a ningún acordo en materia de pensións que non conte coa revisión da reforma do Goberno de 2013, que vai recortar as pensións á metade nuns anos, vai agravar o déficit da Seguridade Social e vai alterar de maneira significativa o noso Estado de Benestar".
Mari Carmen Barreira realizou estas declaracións
tras a segunda reunión da mesa de diálogo social sobre pensións,
unha reunión "que volveu a ser decepcionante, xa que tan só
comentáronse unha serie de datos sobre as bases máximas de
cotización que o Goberno non tivo a deferencia de habernos
trasladado aos interlocutores sociais previamente, polo que non
puidemos sacar unha conclusión dos mesmos". Neste sentido,
"pedímoslle ao Executivo que repita o debate que coñecemos
hoxe cando nos envíe os datos que expuxo na reunión, xa que non
puidemos ter unha opinión concluínte respecto diso ao descoñecer
os papeis que se nos presentaban".
Mari Carmen Barreira sinalou que "é a segunda
reunión na que reiteramos por escrito, previamente, e durante a
mesma, que é necesario que se clarifique o obxectivo da mesa, que
seguimos sen telo claro, xa que non sabemos si o Goberno só quere
falar de financiamento, sen abordar o déficit por completo da
Seguridade Social, ou si ten algunha proposta para asegurar a
viabilidade do sistema, porque por segunda reunión consecutiva o
Executivo non concretou ningún tipo de proposta".
Por iso, insistiu en que o sindicato non vai aceptar
ningún acordo que non pase por revisar a reforma do 2013, "unha
reforma que se saltou o consenso do Pacto de Toledo, que vai reverter
o sistema de pensións que coñecemos até agora e que vai supor un
recorte presente e futuro das pensións. Con esta reforma, por cada
dez anos de esperanza de vida de cada pensionista, van perder até un
20% de poder adquisitivo da pensión. Hai que acordar medidas que
palíen o déficit da Seguridade Social e que se fale do poder
adquisitivo das mesmas, xa que os pensionistas levan todo o mes de
xaneiro perdendo xa diñeiro e non conseguimos unha resposta positiva
do Executivo".
Para UGT, "calquera acordo que se alcance en
materia de financiamento sen reverter a reforma de 2013 suporía
validar unha reforma imposta polo Goberno á marxe do consenso do
Pacto de Toledo, algo que o sindicato non vai consentir, xa que
estamos en contra do disposto nesta Lei".
