UGT. 128 ANOS.

• Hoxe venres, 12 de agosto fai 128 anos da creación da Unión Xeral de Traballadores, como resultado do Congreso que tivo lugar en Barcelona do 12-14 agosto 1888.

Nese congreso, xerme histórica do sindicalismo de clase en España, participaron 44 sociedades obreiras (ou sociedades de resistencia) de diferentes partes do país  que representaban 5.154 socios de diferentes oficios, e pretendían constituír unha organización nacional que, actuando mediante a actuación e a resistencia organizadas,  lles permitira mellorar en tódolos  aspectos as condicións de traballo.  

 

Melloralas "apelando a la huelga bien organizada y recabando de los Poderes públicos cuantas leyes favorezcan los intereses del trabajo, tales como la jornada de ocho horas, fijación de un salario mínimo, igualdad de salarios para obreros de uno u otro sexo, etc." estes obxectivos  serían  convertidos en leis  na  II República.

• O resultado foi a creación da Unión Xeral de Traballadores de España, que despois de 128 anos destaca como un fito na defensa dos dereitos dos traballadores e un actor clave da vida pública do noso país.
• Este 128º aniversario celébrase despois do 42º Congreso Confederal da organización, que o sindicato aproveita para axeitar a súa estrutura  territorial e sectorial a constante transformación do modelo social, político e económico do noso país.

As modificacións só reforzan a acción da UGT na súa loita por conseguir empregos dignos e de calidade, por bos salarios e condicións de traballo, para aumentar a protección social e mellorar os servizos públicos fundamentais, coa convicción de que a defensa dos piares do Estado do Benestar é unha condición inescusable e imprescindible para o desenvolvemento económico do país e os seus traballadores e loitar contra a pobreza, a desigualdade ea exclusión social

LEMBRANDO