Que é o permiso de paternidade e cantos días dura?
É un subsidio que se dá aos traballadores que suspendan o contrato de traballo ou cesen na súa actividade, durante os días legalmente establecidos, con motivo do nacemento dun fillo, adopción ou acollemento. A última ampliación, en vigor desde o 1 de abril do 2019, elevou a súa duración a 8 semanas. Os proxenitores distintos da nai biolóxica de todos os bebés nados gozarán de oito semanas de permiso. As dúas primeiras semanas do permiso deberán gozarse de forma ininterrompida tras o parto. As seis semanas restantes poderán ser de goce interrompido e exercitarse desde a finalización do descanso obrigatorio posterior ao parto ata que o fillo ou a filla cumpra 12 meses. Este permiso, retribuído ao 100%, será intransferible, polo que se o pai non o goza, non o poderá ceder á nai. Poderá gozarse en réxime de xornada completa ou parcial dun mínimo do 50%, previo acordo co empresario e é compatible e independente do goce compartido dos períodos de descanso por maternidade.
