Os datos publicados hoxe polo Servizo Público de Emprego Estatal
reflicten que o número de parados en febreiro sobe respecto a xaneiro
(un 0,10%, 3.279 persoas máis), aínda que en termos desestacionalizados
descendeu (en 10.445 parados) e mantén a súa tendencia de redución
anual (181.208 parados menos, un 5,22%).
UGT mostra a súa preocupación por estas cifras de desemprego porque, a
pesar da positiva evolución anual marcada polo mantemento da actividade
económica, evidencia algúns perigos do noso mercado laboral.
As cifras seguen mostrando a desigualdade no noso mercado de
traballo:
1) A maioría das persoas en desemprego son mulleres (un 58,6%).
2) O carácter estacional da xeración de emprego, ligado ás campañas
como a de Nadal e rebaixas, que poden ter como consecuencia, tras a súa
finalización, un incremento do paro.
3) A elevada dose de precariedade que mostran os contratos
rexistrados. En febreiro só un 6,6% dos contratos asinados foron
indefinidos a tempo completo.
4) Tampouco hai que esquecer a extensión da precariedade entre as
persoas que se atopan en desemprego.
O descenso continuado da taxa de
cobertura (do 70,6% en 2011 a menos do 62% actual), xunto á elevada
cifra de desemprego de longa duración (case una de cada dúas persoas en
desemprego leva nesta situación máis dun ano). É urxente ampliar o
sistema de protección por desemprego e as políticas activas de emprego.
